මියුරු සිරිසර යුතුව මිණි ගඟ අරණ අබියස නැගුව කඳවුරු
මහරු බල යුතු සවත බරනෙත කතරගම දෙවි සඳුනි බලදැරු
සතුරු ග්රහදොස කෙරෙන් මුදමින මලීන් වෙත සෙනෙහසින අමයුරු
සොඳුරු සුවසෙත සැපත සළසන මැනවි යහපත යුතුව පැතුයුරු
Thursday, February 25, 2010
මියුරු සිරිසර
Tuesday, February 2, 2010
Metta Sutta
Karaṇīyamatthakusalena — yantasantaṃ padaṃ abhisamecca
Sakko ujū ca suhujū ca — suvaco ca ’ssa mudu anatimānī.
Santussako ca subharo ca — appakicco ca sallahukavutti,
Santindriyo ca nipako ca — appagabbho kulesvananugiddho.
Na ca khuddamācare kiñci — yena viññū pare, upavedeyyuṃ
Sukhino vā khemino hontu — sabbe sattā bhavantu sukhitattā.
Ye keci pāṇabhūtatthi — tasā vā thāvarā va’ navasesā,
Dighā vā ye mahantā va — majjhimā rassakā aṇukathūlā.
Diṭṭhā vā yeva adiṭṭhā — ye va dūre vasanti avidūre,
Bhūtā va sambhavesī va — sabbasattā bhavantu sukhitattā.
Na paro paraṃ nikubbetha — nātimaññetha katthaci na kañci
Byārosanā paṭighasaññā — nāññamaññassa dukkhamiccheyya.
Mātā yathā niyaṃ puttam — āyusā ekaputtamanurakkhe
Evampi sabbabhūtesu — mānasaṃ bhāvaye aparimāṇaṃ.
Mettañca sabba-lokasmi — mānasaṃ bhāvaye aparimāṇaṃ
Uddhaṃ adho ca tiriyañca — asambādhaṃ averamasapattaṃ.
Tiṭṭhaṃ caraṃ nisinno vā — sayāno yāvatā ’ssa vitamiddho
Etaṃ satiṃ adhiṭṭheyya — brahmametaṃ vihāramidhamāhu.
Diṭṭhiñca anupagamma sīlavā — dassanena sampanno
Kāmesu vineyya gedhaṃ — na hi jātu gabbhaseyya puna reti.
Metta Bhāvanā
Ahaṃ avero homi,
abyāpajjo homi,
anīgho homi,
sukhī attānaṃ pariharāmi,
dukkhā muccāmi,
yathā-laddha-sampattito mā vigacchāmi,
kammassako.
Sīmattha saṅgho averā hotu, abyāpajjā hotu, anīghā hotu, sukhī
attānaṃ pariharatu, dukkhā muccatu, yathā-laddha-sampattito mā
vigacchatu, kammassako.
Imasmiṃ vihāre ārakkhadevatā averā hontu, abyāpajjā hontu,
anīghā hontu, sukhī attānaṃ pariharantu, dukkhā muccantu, yathāladdha-
sampattito mā vigacchantu, kammassakā.
Amhākaṃ cātupaccayadāyakā averā hontu, abyāpajjā hontu,
anīghā hontu, sukhī attānaṃ pariharantu, dukkhā muccantu, yathāladdha-
sampattito mā vigacchantu, kammassakā.
Amhākaṃ mātapitu ācariyañātimittasammuhā averā hontu,
abyāpajjā hontu, anīghā hontu, sukhī attānaṃ pariharantu, dukkhā
muccantu, yathā-laddha-sampattito mā vigacchantu, kammassakā.
Sabbe sattā, sabbe pāṇā, sabbe bhūtā, sabbe puggalā, sabbe attabhāva-
pariyāpannā, sabbā itthiyo, sabbe purisā, sabbe ariyā, sabbe
anariyā, sabbe devā, sabbe manussā, sabbe vinipātikā averā hontu
abyāpajjā hontu, anīghā hontu, sukhī attānaṃ pariharantu, dukkhā
muccantu, yathā-laddha-sampattito mā vigacchantu, kammassakā.
Puratthimāya disāya, dakkhiṇāya disāya, pacchimāya disāya,
uttarāya disāya, puratthimāya anudisāya, dakkhiṇāya anudisāya,
pacchimāya anudisāya, uttarāya anudisāya, heṭṭhimāya disāya,
uparimāya disāya.
sabbe sattā, sabbe pāṇā, sabbe bhūtā, sabbe puggalā,
sabbe atta-bhāva-pariyāpannā, sabbā itthiyo, sabbe purisā, sabbe ariyā,
sabbe anariyā, sabbe devā, sabbe manussā, sabbe vinipātikā, averā hontu,
abyāpajjā hontu, anīghā hontu, sukhī attānaṃ pariharantu, dukkhā
muccantu, yathā-laddha-sampattito mā vigacchantu, kammassakā.
Uddhaṃ yāva bhavaggā ca, adho yāva avīcito, samantā
cakkavāḷesu, ye sattā paṭhavi-carā. abyāpajjā niverā ca, niddukkhā ca
nupaddavā.
Uddhaṃ yāva bhavaggā ca, adho yāva avīcito, samantā
cakkavāḷesu, ye sattā udake-carā, abyāpajjā niverā ca, niddukkhā ca
nupaddavā.
Uddhaṃ yāva bhavaggā ca, adho yāva avīcito, samantā
cakkavāḷesu, ye sattā ākāse-carā, abyāpajjā niverā ca, niddukkhā ca
nupaddavā.
Subscribe to:
Posts (Atom)